طلع متجوز و مخلف ضبط واحضار لعريس الدقهلية صاحب مقلب الخط.ف أثناء زفة بمنية النصر بالدقهلي

حاكموا عريس الدقهلية..

تمثيلية اختطاف عريس الدقهلية بتكشف قد إيه منظومة القيم والأخلاق انهارت في المجتمع، وإنه ممكن واحد عشان يجيب شوية مشاهدات ويعلي الريتش بتاع قناته يروع المجتمع كله، ويثير حالة من البلبلة بدون أي داعي..

الفيديو ده حرفيا خطر على الأمن والسلم المجتمعي، لأنه لما الناس تشوف راجل كبير بيتخطف من الشارع وسط أهله أكيد هتحس إن البلد دي انعدم فيها الأمان وإن الخطر بيحيط بأهلها من كل جانب..

تخيلوا إن دي تبقى صورة مصر عشان واحد بيهرج، وفاكر دمه خفيف وعايز ياخد فلوس من المشاهدات.. الناس فعلا اتجننت ولازم القانون يتصدى لكل التجاوزات اللي من النوعية دي، ونكون قدام تطبيق حاسم لنصوص قانون العقوبات في مادته 102 مكرر وخاصة الفقرة الأولى منه واللي بتنص على إنه: "يعاقب بالحبس وبغرامة لا تقل عن خمسين جنيهاً ولا تجاوز مائتي جنيه كل من أذاع عمداً أخباراً أو بيانات أو شائعات كاذبة، إذا كان من شأن ذلك تكدير الأمن العام أو إلقاء الرعب بين الناس أو إلحاق الضرر بالمصلحة العامة.

واحنا هنا محتاجين أنه يتم تطبيق الحبس الوجوبي المنصوص عليه فى الفقرة التانية من نص المادة، بحده الأقصى 3 سنوات عشان تكون نموذج رادع لأي شخص يتهاون في أمن وسلامة بلاده بالشكل السئ اللي قدمه عريس الدقهلية.