السادة المحترمين
عزت السيد قناوى رئيس مجلس المدينة
النائب محمد عزت القاضى
النائب خالد أبونحول
1 دي صور حالا لطريق العسيرات وكنا هنعملوا حادث يموت فيه ١٠ أشخاص
السبب ان الطريق متكسر واشتكينا لرئيس المجلس اكتر من مرة وبيقدم حلول خايبة
يعني هما النهاردة حطوا أكوام من الزلط والرمل علي الطريق ومع انه حل خايب
كمان ما كلفوش نفسهم يساووه بالارض
فانت جاي بعربية أو توك توك أو موتوسيكل تفوت في كوم الزلط وتموت ببساطة
هل اصبحت أرواح الناس لعبة؟
________________________
2 ومشكلة العسيرات والبريج وكل النجوع اسبوع كامل من غير ميه وتجي يوم وتقطع اسبوع تاني طب ايه الحل
محطة وموجودة نعملها ايه تاني
طب نسبحوا في الترعة
العيل اللي يعطش نشربوه من البحر
وانا بناشد شباب العسيرات ما يتجوزوش والمتجوزين يدوا حريمهم اجازة اصل بعد ما يحصل شرع ربنا هيغتسلوا ازاي
يمكن ده حل يعجب ريس المدينة والنواب!
رئيس شركة المياة راجل فاشل وموظفين المحطة مش بيروحوا وانتوا كلكم عارفين
طب ساكتين ليه؟
فين دوركم الرقابي؟
فين شغلكم في ملف الطريق والاضاة والميه؟
____________________________
3 طريق البريج نجع القاضي مرورا بعزبة رشوان ما فيهوشي لمبة واحدة شغالة
انتوا فين ؟
رئيس المجلس ساكت ليه ومجلس قروي العسيرات اللي تبعه نايمين في المكاتب
والنواب مش شايفين الفساد فين دوركم؟
عفوا رصيدكم نفذ ولن نصبر بعد اليوم
ولن نفتح بيوتنا لاي مرشح مرة اخري
تعليقات
إرسال تعليق