ذئاب_الجبل..(عودة البدري) ....... #الحلقه_العاشرة..............

 أنتهت الحلقه اللي فاتت 

علي لقاء دبور بصاحب البيت

اللي علوان كان متأجر فيه

شقه لمهجه وكان بينهم الحوار الآتي.....

ايوة ايوة....ايوة افتكرت....

انت ولد الشيخ عمران....

المعلم....

الله ينور علييييك 

هو الشيخ عمران....

دبور....

كيفك.....كيفك يا واد العم.....

المعلم....

الحمد لله..... انت كيفك....

وكيفه علوان....انا سمعت انه بقي كبير هواره....صوح الحديت ده...

دبور....

صوح...صوح يا واد عمي....

المعلم....

يااااااااه...يامين يصدق...

اهو علوان ده كان نزل حدانا من خمس سنين.....وقصد ابوي في شوقه في بيتنا القديم عشان يتجوز فيها.....

دبور....

عتقول ايه.....

شوقه....ويتجوز فيها....

المعلم....

ايوة هو اخد الشوقه وبعدها بيومين رجع ومعاه حورمه وطلع بيها الشوقه وكان عيتلفت يمين وشمال كأنه هربان من الحكومه....

دبور..... في استعجال...

انت عتقول ايه....

كان امعاه حورمه....انطق قول مين 

الحورمه دى.....

وشكلها ايه قوووول....

بداية الحلقه العاشرة...

مشهد 1.....

دبور مع المعلم....

دبور....

قووول الله لا يسيئك مين الحورمه دى وشكلها ايه يا واد عمي....

المعلم....

يابوووى وانا هفتكر كيف عاد

دول فاتو خمس سنين يا واد عمي والواحد مش فاكر كل ايه عشيه...

دبور يقوم ويمسك كتاف المعلم ويقوله....

لاااااه يا واد عمي افتكر الله يخليك دى فيها حياه او موت....

والمعلم بيحاول يسترجع الذاكره....

ويقوله...

والله كل اللي فاكره ياواد عمي انها كانت لابسه خلقات ملونه...

وكان جسمها مليان شوي....

وكانت بس مغطيه وشها مشفتهاش زين....

هو كان مستعجل زى ما قولتلك

وكان عيتلفت يمين وشمال

كنه خايف من شي...

وهي كماني....

دبور يسيب المعلم ويسرح بخياله........

واااه ياعلوان لو الحديت ده صوح....

وكانت هي مهجه....

وانت اللي وزيتها وهربتها....

يمين بالله ل شوقك نصين قدام هوارة كلاتها...

مبقاش انا دبور الدكش ياعلوان....

ويسيب دبور المعلم قاعد ويمشي وغضب الدنيا كله في عنيه...

والمعلم ينادي عليه....

يادبووور....يادبوررررر

اباااي ماله ده عاد 

كنه نزل عليه سهم الله....

.......................

مشهد 2....أسكندريه

منزل صلاح...

صلاح وبثينه وحاتم وورده قاعدين علي السفرة في شقتهم الجديده وحاتم بيبارك لصلاح...

حاتم.....وهو بيمسح بوقه...

تسلم ايدك يا بثينه الاكل هايل وعقبال ما ناكال بفرحة اول مولود.......

بثينه...

ميرسي يا دكتور حاتم

بالهنا والشفا....

صلاح....

اي ده هو مفيش تسلم ايدك انا كمان يا دكتور ولا هي بقت كوسه...

حاتم يبص لصلاح وبيقوله...

واقولك تسلم ايدك انت ليه

هو انت عملت حاجه....

صلاح...

ايييييوة عملت انا اللي صممت

اقصد انا االلي نظمت الاكل وحطيتو علي السفره وخليتو يطلع بالشكل الهندسي الفريد ده.....

حاتم....

ياسيدى ولا تزعل....

تسلم ايدك يا بشمهندس يا عظيم علي....

وقبل ما يكمل كلامه يقاطعه صلاح ويقوله....

لالالالالا خلاص خلاص بعد ايه اتحرقت يا استاذ...

والكل يضحك علي ردة فعل صلاح.....

وردة في عالم تاني خالص وسارحه وبثينه بتكلمها....

بثينه....

ورده....يا ورده....

بثينه تحط ايدها قدام عنين ورده وتقولها....

اششششششش يا ورده....

ورده تفوق....

هااااااااا اي يا بثينه....

بثينه....

ايه يا بثينه....

مالك يابنتي بقالي ساعه بكلمك وانتي في ملكوت تاني...

حاتم متابع...

هي كده ياستي من ساعة ما رجعنا من قنا وهي علي دا الحال....

بثينه....

مالك يا ورده في ايه انتي تعبانه ولا حاجه...

ورده...

لالا مفيش يا بثينه والله انا بس المشوار رايح جاي ومرهقه بس شويه......

صلاح....

قوم بينا بس يا حاتم وسيب الستات يقعدو لوحدهم...

تعالي انا مجهزلك حتة دين قعده انما ايه....عنب....

تعالي ورايا.....

ويروح صلاح ناحية بلكونة طاله علي البحر وفيه ترابيزه في وسط البلكونه وعليها كرسيين....

ويقعد صلاح وييجي حاتم وراه ويقعد وصلاح يبص ويقوله....

هااااا ايه رأيك المنظر اللي يشرح القلب ده.....

حاتم...لا جميل...جميل ياصلاح...

المهم عاوز اقولك احناداخلين علي شغل تقيل اوى اوى 

فعاوزك تصحصح وتركز كده معايا علشان اللي جاي كوم واللي فات كوم تاني خالص....

صلاح يبص لحاتم ويقوله...

اركز واصحصح....الله يرحم ايام ما كنت انا المدير بتاعك....

تلف الايام واشتغل انا تحت ايدك...

ويعدل صلاح النضاره بتاعته....

بس هنقول ايه...الايام دول....

وضحك حاتم ويقول....

ياصلاح مش وقت تهريج اسمعني بس كويس....

صلي علي النبي....

صلاح...

عليه افضل الصلاة والسلام....

............................

مشهد 3.....البدري....

البدري قاعد بالروب بتاعه في مكتبه وتدخل عليه نورا.....

نورا بالشاي وتحط الشاي قدامه وتقول....

ها يا سي بدرى....

هتفضل علي الحال ده كتير....

البدري....

اااااه يانورا لو تحسي باللي انا حاسس بيه....هتعذريني....

نورا....

ياسيدى والله عذراك....

بس الحياه مش هتقف علي كده...

وبعدين انت عاوز ايه من البلد...

مش خلاص....

شغلك وحياتك ونجاحك بقم هنا في اسكندريه....

هترجع بلدكم تعمل ايه فيها....

البدري....

كيف يعني يا نورا....

دى مهما كانت بلدى اللي اتولدت فيها واتربيت وكبرت واتعلمت علي يد ابوي الشيخ بدار الله يرحمه....

بلدى يانورا اللي عشت فيها عمري كله مش بالسهوله دى افوتها واهملها اكده وانساها بالساهل....

انا كوت نازل وفاكر ان العربي هيفهمني وهيرضي بالامر الواقع ويسامح...

لكن علوان الله يسامحه...

لعبه في راسه وملاها من ناحيتي...

علوان اللي كيف الديابه...

اللي بيترصد لفريسته اي غلطه ويهجم عليها ويخنقها...

علوان ده من ايام ابوي الله يرحمه مكنشي عيحبنا وكان دايما يخالفنا ويعارض احكامنا ويعصي علينا هواره....

اللي انتي متعرفهوش يا نورا ان حكم هوارة ده كان من جدود جدودنا مطلعشي بره دارنا.... 

ولما طلع..... طلع لعلوان..... 

نورا.... 

يابدرى انا يمكن مش فاهمه اهميه اللي بتقوله ده جمب نجاحك وشغلك اللي حققته هنا

 في سنين قليله... 

مكنتش هتحققه في بلدكم بمجرد انك تكون كبير هناك.... 

يابدرى الدنيا بتتغير ولازم احنا كمان نتغير معاها...

مش حنفضل عايشين  عيشة جدودنا...

وولادنا كمان هييجي عليهم ايام هيرفضو عيشتنا....

هي الدنيا كده بتطور واحنا كمان لازم نتطور معاها....

كلامي صح ولا ايه يا سي بدرى...

البدري يبص لنورا....

صوح يانورا....

كلامك ده عيييين العقل.....

بس ده حق....

واللي حصلي انا ووردة اختي ظلم كبيييير قوى قوى....

وربنا معيرضاش بالظلم....

ولازما الحق والعدل هم اللي يسودو....والا الحياة هتبقي غابه او كيف الجبل...الحكم فيه للديابه....

الديابه وبس...

.......................

مشهد 4.....هواره....العربي...

العربي قاعد قدام داره علي الكنبه وحاطط رجل علي الكنبه والرجل التانيه علي الارض وماسك عصايا وبيخطط بيها في التراب وباين بيفكر في حاجه.....

وفيه واحد داخل علي العربي وبيسلم عليه....

السلامو عليكم يا عربي...

كيفك يا واد العم....

العربي يتعدل....

وعليكم السلام ورحمة الله وبركاته

اتفضل....اتفضل ياربيع...

اقعد....اقعد...

ويقعد ربيع....

متشكرين يا عربي...متشكرين

العربي....

استني عقوم اعملك كوباية شاي

ربيع...

لاه ياعربي متتعبش روحك...

هم كلمتين بس وماشي علطول...

العربي....

خير....خير يا ربيع.....

ربيع.....مش خير يا عربي....

مش خير واصل....

العربي....باه....

في ايه ياربيع....سيبت روكبي....

ربيع....

علوان.....علوان ياعربي.....

العربي....

ماله علوان....عمل ايه....

ربيع....

هو لسه معملش....بس ناوى يعمل...

العربي....

متخش في الحديت علطول ياربيع منقصاشي هي عاد....

ربيع....

علوان كان  في العشيه في بيت الشيخ عبد الحليم واتفق امعاه علي فرحه من بت اخوة تحيه....

العربي وعنيه تطق شرار...

انت متوكد من الحديت ده يا ربيع 

ربيع....

متوكد يا عربي....

الشيخ عبد الحليم بذات نفسه هو اللي قالي....

وانا بحكم العيش والملح اللي بيناتنا جيت اقولك....

بس امانه عليك ياعربي محدش يعرف اني...

ويقاطعه العربي...

لاااه ياربيع متخافش كتر خيرك انت عملت الصوح...

تسلم......تسلم ياربيع....

ربيع....

طب استأذن انا ياعربي عشان ورايا مشوار اكده في البندر....

العربي....

طيب ياربيع....طيب...

ومتشكرين يا واد عمي...

ربيع وهو بيقوم....

لا شكر علي واجب يا عربي....

بالاذن...

العربي....

أذنك معاك ياربيع....

وربيع يمشي والعربي يقوم وعنيه تطق شرار....

تاني ياعلوان....تاني....

انت متوبتش من اللي حصلك.....

طيب.....طيب ياعلوان...

ياني.....يانت....

......................

مشهد 5.....بعد المغرب....المطاريد...

المطاريد متجمعين في المغاره تحت الارض وقاعدين حوالين النار وبيضحكو.....

ابو دبيكي....

بس عفارم عليكم يا رجاله....

الضربه المره دي كانت تقيله قوى قوي علي الحكومه.....

واحد من المطاريد....

تسلم يابو دبيكي....

عقبال ضربتك الكبيره لما تاخد ابتارك من ظابط النقه واهو جالك ابرجليه.....كنه ابن موت عاد....

ويضحك ويضحك الكل....

ابو دبيكي....

ااااه....اه ياعصام....

موته مش عيكون سهل واصل....

انا عحيبو لحد هنه حي....

وعخليه يتمني الموت ومعيطولوش.....

واحد من المطاريد....

احنا كلاتنا تحت امرك يابو دبيكي....

انت بس ادينا الاشارة....

وعيكون قدامك متكتف كيف الدبيحه.....

ابو دبيكي 

كدها يارجاله....كدها...

كل شئ باوانه.....

ويومه جاي....قرب قوي قوي.....

..........................

مشهد 6.....دار علوان....

نعمه بتأكل الطيور وبتحطلهم ميه والباب بيخبط وتروح نعمه تفتح الباب.....

العربي.....يدخل....

سلامو عليكو يا نعمه...

نعمه....

وعليكم السلام يا خوي.....

يدخل العربي ويبص لفوق ويقول لنعمه....

فينه علوان...نايم....

نعمه....

لاه....علوان من العصريه في شغل وعيخلصو.....

العربي....

شغل....شغل ايه ده عاد اللي عيخلصو.....

نعمه....

وانا ميته علوان عيعرفني بشغله...

اهو شغل وخلاص....

العربي يقرب من نعمه ويقولها....

وعيخيل عليكي اللي عيعملو علوان ده يا نعمه.....

نعمه.....

جري ايه يا عربي.....

هتعاود تاني وتخبط في واد عمك مش خلاص بقيتو زين.....

العربي....

لاااه يا نعمه مبقناش زين...

وانتي خابره....اني وعلوان معنتفقوش واصل....

نعمه....اباي فيه ايه يا عربي...

وهو عمل ايه بس علوان عشان تكرهه الكره ده كلو....

العربي....

عمل اييه.....

قولي هو معملش اييييه...

يانعمه فوووقي....

فووووقي يابت ابوي قبل ما تفتحي عنيكي وتلاقي الدنيا مطربقه فوق نفوخك.....

نعمه...

اباي ياعربي....

وانا اعمل ايه عاد.....

العربي....

شوفي يانعمه انا عقولك والامر لله....

مهو اكده عتعرفي واكده عتعرفي....

وتعرفي من اخوكي...

احسن ما تعرفي من الغريب.....

نعمه....

في ايه يا عربي....

اعرف ايه.....

العربي.....

علوان....علوان يانعمه.....

نعمه...

ماله علوان.....

العربي....

علوان اللي عيقولك انه عيشتغل  وعياكل بعقلك حلاوة هو دلوقيت بيرتب لفرحه من تحيه بت اخو الشيخ عبد الحليم ابو عمران.....

نعمه....

عتقول ايه....علوان....

علوان يتجوز علي.....

لااااه ياعربي...مهصدقكش واصل...

علوان ميعملش اكده.....

العربي....

يانعمه....وهو انا معقول  عقولك حديت اكده وخلاص من غير ما اكون متوكد منه....

نعمه....والحزن يبان علي وشها

لاه....لا ياعربي....

علوان معيعملش اكده 

العربي....

طيب يانعمه....ييجي علوان وأساليه....

ولو حديتي مش صوح

ليكي حق عندي.....

سلامو عليكو يانعمه.....

ويطلع العربي ويقفل الباب وراه....

ونعمه تقف ورا الباب وتحط ايدها علي راسها وتبكي...

يامورك يانعمه....يامورك يا نعمه...

.............................

مشهد 7......علوان راجع علي الطريق الذراعي.....

ودبور كان مستنيه ويجري عليه....

دبور....

علوان.....يا علوان.....

علوان يبص وراه ويلاقي دبور بيجري عليه.....

علوان يقف....

واااه دبور....

خرعتني يخرب مطنك....

دبور...

خير يا علوان....كوت فين اكده ومالك اتخلعت لما نضرتتي...

علوان....

يعني طالعلي كيف الديب في الليالي ومش عايزني اتخلع....

وبعدين انت مالك كوت فين ولا جاي منين عاد....

دبور يبص لعلوان بصه غضب...

ويقوله....

شوف يا علوان....

عاوزك تتذكر امعاي زين

من خمس سنين فاتو....

انت كنت متأجر شوقه في البندر في بيت الشيخ عمران الله يرحمه...

واول ما دبور ينطق الاسم ووش علوان يجيب الوان....

علوان ولسانه يتلجلج...

ايييه الحديت ده....عتقول ايه انت وعمران مين وشوقة مين....

دبور....

شوف يا علوان....

لو اضحكت عا الدنيا كلاتها...

لا ممكن تضحك علي دبور

 يا علوان...

انا ععرفك من اعنيك....

انضر النضره واعرفك اذا كنت عتكدب ولا معتكدبش.....

علوان....

في ايه يا واد انت...

انت عتخترف تقول ايه...

دبور...

انا معخترفش يا علوان....

وديتها فين ياعلوان....

علوان....

هي ايه اللي وديتها فين 

انت عتقول ايه يا دبور....

دبور...

مهجه.....مهجه ياعلوان....

علوان....

باه مهجه...ونا صالحي ايه بمهجه...

وبعدين مهجه هجت من زمان...

وبسببك يا دبور....

ايه فكرك بيها عاد....

دبور....

هجت بسببي...

دلوقيت اتوكدت انك انت اللي كوت السبب ياعلوان....

انا كوت واعيلك بس كوت عكدب روحي واقول لاه....

ويمسك دبور بخلقات علوان ويخنقه....

انطق يا علوان....قوووول...

وديت مهجه فين لاطلع روحك بيدي....

علوان يحاول يخلص نفسه من ايد دبور....

يدك يا دبور....عتخنقني

كنك اتجنيت اياك

....ويكح...

دبور....

مش عهملك يا علوان غير لما تقولي موطرح مهجه....

دسيتها وين يا علوان ويخنقه اكتر......

علوان يتخنق اكتر...

ويقوله....كفاياك كدب يا علوان اني عرفت كل حاجه....

الشوقه اللي كوت واخدها من خمس سنين....والحورمه اللي كانت وياك كفاياك ملاوعه ياعلوان ويخنق فيه اكتر...

علوان

يدك يادبور....يدك....عتطلع روحي يا دبور ويتكلم بصعوبه

انا عقولك مهجه وين....

هملني عاد

ويسيب دبور علوان....

وين مهجه يا علوان وين مهجه....

علوان وبيحط ايده علي رقبته اللي وجعتو من اثر خنقة دبور....

حلمك شوي....حلمك يا دبور...

دبور....

لاه...انا مش عهملك ياعلوان غير لما تقولي موطرحها.....

اونطق يا علوان....قووول....

علوان....

محدش يعرف موطرحها غيري 

هملني بس النهارده وهاخدك ليها....

دبور....

ولا دقيقه....ولا دقيقه ياعلوان....

علوان...

ياواد عمي مهجه بعيد....

بعيد قوى....هملني وبكرة في العشيه هخليك تقابلها....

انا عروحلها وعضحك عليها وافهمها اني هنزل بيها هواره وهعقد فرحي عليها قدام الخلق..

 و عشان كماني هي خايفه منيك   وموكده عليا انك انت بالذات متعرفش موطرحها

سيبني بس ارستق الامور بمعرفتي...

دبور يستسلم بسبب عشقه لمهجه....

وعنيه تدمع.....ويقول

..اااااااه يامهجه.....اااااااه 

برضو اكده يامهجه

 طب انا اذيتك في ايه عاد ولا سويت معاكي ايه عفش...

ااااااه مهجه.....

علوان بوشه الشاحب والرعب باين عليه وحاطط ايده علي رقبته وعنيه زى عيون الديابه بيفكر يعمل ايه مع دبور وازاي يطلع من المصيبه اللي وقع فيها

...ااااااه يادبور....ااااااااه

اهو انت اللي مكوتش عالبال واصل يا واد عمي....

ومكتش عامل حساب اليوم دويتي

انت اللي جبتو لروحك يادبور...

انت اللي جبتو لروحك...

.............................

وتنتهي الحلقه وعلوان شكله مش هيجيبها البر.....

وياتري هيعمل ايه مع دبور....

ولا دبور هو اللي هيخلص من علوان......

ده اللي هنعرفو الحلقه الجايه....

وعلي فكره انتو برضو بتقرو ومش بتعملو مشاركه للحلقه زى ما بطلب منكم وده هو السبب الرئيسي يمكن اللي بيقلل حماسي وبيخليني اتاخر في نزول الحلقات....

ساعدوني واعملو مشاركة للحلقه علي صفحاتكم وعلي جروبات تانيه لو تقدرو.....

وشكرا لكل واحد وواحده بيساعدوني ويشجعوني وبيعملو مشاركه من غير ما اطلب......

والي لقاء في الحلقه القادمه....

@الكاتب حماده فاروق هاشم