وصلنا في الحلقه السابقه لما دبور راح النقطه للضابط عصام ومعاه علوان ودار بينهم الحديث ده...
........
الضابط عصام قاعد وعلوان ودبور قدامه.
الضابط عصام....
يعني من ساعة ما مهجه اختفت وانت بتدور عليها....
دبور.....
ايوة يابيه لفيت عليها البلاد ودورت عليها في كل بيت ولا عترت فيها....
عصام....
يعني ملقتهاش مثلا وبسبب انها هربت بسببك قولت تتخلص منها...
دبور....
به....اتخلص منيها.....
انت معتعرفش دبور يابيه......
وكل الحديت اللي عتقوله دلوقيت ملوش عازه....
مهجه خلاص راحت.....
عصام.....
يعني ده اخر كلام عندك....
وتقول ايه في القتيله اللي لقيناها وشكينا انها ورده.....
مش جايز تكون هي....
دبور.....
هي كيف بس يابيه....
وهي عملت ايه المسكينه علشان تنقتل.....
لاه يابيه لاه....
دى طول عمرها عايشه في دوار علوان...
لا شرقت ولا غربت ولا تعرف حد من ذاته.....
علوان متابع التحقيق ودماغه بتودى وتجيب....
ودبور يبص لعلوان....
ما تتكلم يا علوان....
ما تقول حاجه....
علوان....
به....عقول ايه يعني....
منا قولتلك قبل سابق يا عصام بيه
هي طفشت....
وبعدين خلاص الحكايه دى من خمس سنين....
لزمته ايه عاد نفتشو في القديم....
اكيد هي عايشه دلقيت اهنه ولا اهنه....
عصام.....
طيب يا علوان....
ماشي يا دبور....
اما نشوف الحكايه دي هترسي علي ايه.......
.......................
مشهد 1......الاسكندريه....
منزل الحج حسين المصري...
...........
البدري ونورا وصلو اسكندريه وورده وحاتم وصلو معاهم وراحو لبيتهم....
البدري قاعد مع الحج حسين وبيتكلم معاه.....
الحج حسين....
حمدالله علي سلامتكم يابني...
خير يعني مقعدتوش....
البدري....
خير....خير يا حج.....ويبص لنورا....
الحج حسين...
ايه فيه ايه يا ولاد...
هو انتم زعلتم مع بعض ولا حاجه...
البدرى....
لاااااه....لاه يا حج....
ربنا ميجبش زعل واصل....
الحج حسين....
طيب يابني فيه ايه قلقتونا....
البدري....
الامور يا حج ما ممشتش زى ما كنت متوقع تمام....
علوان والعربي وقفو قصادى وقدام هواره كلاتها قطمو ضهري يا حج...
وانا مقدرتش حتي اقولهم تلت التلاته كام....
الحج حسين...
لا حول ولا قوة الا بالله...
هو مش خلاص يابني اللي حصل حصل...هم عاوزين ايه منك...
البدرى....
منا قولتلك يا حج قبل سابق...
دى عاداتنا وتقاليدنا....
عاداتنا اللي ورثناها عن جدودنا
وهي نفسها اللي انا كوت في يوم من الايام العادات والتقاليد عامياني ومشايفشي غيرها برغم اني متعلم عنيهم....
وعشان تغير العادات والتقاليد دى يا حج... صعب.... صعب قوى قوى....
الحج حسين...
لا حول ولا قوة الا بالله...
طيب يابني...
خشو ارتاحو...
انتو راجعين من سفر...
وربك له حكمه في كده وان شاء الله مسيرهم يعرفو غلطهم ويشيل الغمه من علي عنيهم...
البدري....
ياريت يا حج... ياريت....
ربنا يشيل الغمه من علي عنيهم...
ويعرفو ان علوان ده... ديب...
ديب ملوش مبدأ....
.....................
مشهد 2....منزل ابو حاتم....
حاتم وورده قاعدين مع ابو حاتم وام حاتم زهيره....
زهيره....
الحمد لله انكم مقعدتوش
لحسن انا كنت هموت من الرعب عليكم وكنت حاسه انه هيعملو فيكن حاجه...
ابو حاتم...
خلاااص...خلاص يازهيره...
الحمد لله اهم رجعو ومعملوش فيهم حاجه.....
ويبص للخاله لبيبه....
منورة يا حجه لبيبه نورتي اسكندريه....
الخاله لبيبه...
منور بصحابها يا ولدى...
منوره بصحابها....
ورده قاعده جمب الخاله لبيبه وتحط ايدها علي كتفها وتضمها ليها وتقولهم....
اهي دى بقي امي التانيه اللي اللي طلعت بيها من هواره وعي اللي بقيالي بعد موت امي وابوى الله يرحمهم....
والجميع يترحم عليهم....
جرس الباب يرن......
يقوم حاتم يفتح....
صلاح وبثينه.....
صلاح يقابل حاتم علي الباب وياخدو بالحضن....
صلاح...
بالحضن....بالحضن ياعفريت انت واحشني...واحشني يا حتومه....
وتدخل بثينه ووتحضن ورده وتسلم علي اللي موجودين....
صلاح وبثينه يقعدو....
وابو حاتم....يبصلهم....
حمدالله علي سلامتكم يا ولاد...
انشالله تكونو انبسطو....
صلاح يرد...
الله يسلمك يا عمي...
دحنا انبسطنا انبساط يا عمي مقولكش...
انتو لازم تيجيو معانا المره اللي جايه.....
ابو حاتم...
انشاء الله....انشاء الله يا ابني....
صلاح يبص لحاتم....
ايه يا مدير اخبارك واخبار الشغل ايه....
طبعا....طبعا ياعم بقينا اصحاب شركات مين قدك ياعم.....
وبثينه قاعده جمب صلاح وبتشد فيه علشان يسكت ويبطل عك وتحاول تلحق صلاح قبل ما يعك اكتر....
بثينه....ههههههه طيب....احكولنا...
احكولنا يا جماعه عملتو ايه لما نزلتو قنا.....
ورده تبص لبثينه....وترد
عملنا......
ده احنا اللي اتعمل فينا....
بثينة....
ياساتر يارب فيه ايه...
حصلكم حاجه...
واخوكي البدري كويس...
ورده....
متتخضيش يابثينه...
محصلش حاجه....
هم بس معجبهمش نزولنا وقعدتنا وسطيهم....
بعد اللي حصل...
بثينه....
ياستي الحمد لله انكم بخير ورجعتم بالسلامه....
ورده...
الحمد لله...الحمد لله....
......................
مشهد 3....هواره...بيت علوان....
علوان مع نعمه في غرفتهم...
علوان بيغير هدومه ونعمه واقفه جمبه.....
نعمه....
علي فين يا علوان....
بتغير خلجاتك ليه....وين رايح...
علوان....
باااه يا نعمه...
انتي عتحققي تاني معاي ولا ايه عاد....
هنرجعو للموال ال أزرق تاني ده عاد...
نعمه....
ياعلوان انا قلبي عليك يا واد عمي..
انت صحتك مبقتش مستحمله
المشوره والرمح ده...
علوان....
اني صحتي زي البومب...
قالولك عني عجزت ولا عجزت عاد...
نعمه....
مقصودشي يا علوان...
ربنا يديك الصحه بس اااااا
علوان يقاطعها....
مبسش....مبسش يانعمه وكفاياكي لت وعجن في الحديت وقومي لافيني العبايه البني....
نعمه....
مممماشي...ماشي يا علوان...
متزعلش روحك هجبهالك اهو....
تقوم نعمه وتجيب العبايا لعلوان وتلبسهالو وهو بيبص في المرايا....
............................................
............................................
مشهد4... بيت الشيخ عبد الحليم..
عم تحية عروسة علوان....
الشيخ عبد الحليم قاعد ومراته جمبه....
الشيخ عبد الحليم....
علوان زمانه جاي هو موكد عليا من عشيه انه جاي....
مراته....
يعني بعد كل اللي حوصل له ده وكان عيموت لسه عينه عالجوازه...
الشيخ عبد الحليم....
الراجل روحه عالواد....
ومرته كيف ما خابره معتخلفشي.....
مراته....
ياخوفي....ياخوفي يكون عينه عالقرشينات اللي حدا البت وينهب اللي وراها واللي قدامها....
الشيخ عبدالحليم....
وهو انا اللي طلبته منه قليل عاد...
خمس تلاف اجنيه امقدم
او زيهم امؤخر...
وكدهم كمان دهبات....
امال يا وليه انتي عوزاني افرط في بت اخوى كده ببلاش...
الباب يخبط ويقوم الشيخ عبد الحليم يفتح الباب.....
علوان...
سلامو عليكو....
وعليكم السلام ورحمة الله....
يا اهلا يا اهلا وسهلا بكبير هواره الدار نورت....
اتفضل....اتفضل يا كبير....
علوان يقعد ويتكلم....
اهه اني جيت كيف ما قلتلك....
ويبص علوان حواليه....
امال وينها العروسه....
ويبص الشيخ عبد الحليم لمراته ويقولها...
قومي....قومي يا وليه شوفي تحيه وينها وخليها تاجي تسلم علي عريسها.....
وتقوم مراة الشيخ عبد الحليم وهي بتنادي علي تحيه.....
.....................................
.....................................
مشهد 5.....اسكندريه.......ورده...
ورده قاعده علي الكنبه وايدها علي خدها وبتفكر في هواره واللي حصل فيها واللي عمله علوان وكل الاحداث القديمه هروب مهجه وموت يس وعمال تسال نفسها معقول يكون علوان ورا كل ده....
طب ازاي اثبت انه هو اللي ورا كل المصايب دى...
طيب اقول للبدري وهو يتصرف...
يااااااارب اعمل ايه......
دبرني يارب...دبرني...
حاتم يقعد جمب ورده وبيكلم فيها وهي مبتردش ولسه سرحانه..
حاتم....
ورده.....ورده.....ياورده...
تفوق ورده وترد علي حاتم...
هااااااا حاتم....ايوة يا حاتم....
حاتم....
ايوه يا حاتم....
دنا بقالي ساعه بكلمك...
مالك يا ورده....
بقيتي تسرحي كتير من ساعه ما رجعنا من قنا وانتي علي الحال ده
مالك.....
ورده...
مفيش....مفيش يا حاتم...
يمكن مرهقه بس شويه....
حاتم....
طيب يا ستي...
قومي بقي كده وحضري نفسك علشان صلاح وبثينه عازمينا النهارده حلاوة شقتهم الجديده......
ورده....
حاضر....حاضر يا حاتم.....
حاتم....
هو البدري فين....
ورده...
البدري مع الخاله لبيبه في اوضتها........
حاتم....
طيب هقوم انا اخد دش عالسريع كده احد ما تجهزى انتي والبدري.
...............................
...............................
مشهد 6.....المعلم حسني....
المعلم حسني قاعد في بيته وبيصب الشاي والباب يخبط.....
يقوم المعلم حسني يفتح الباب....
البدري.....
سلامو عليكو ياحسني....
حسني....
يامرحبا يا مرحبا يا مية خطوة عزيزة...اتفضل.....اتفضل....
مش تقول عاد انك جاي كوت فرشتلك الارض ورد.....
البدري....ووشه باين عليه الحزن
تسلم يا حسني....تسلم ملوش لزوووم...كنك عملتها.....
حسني...
اباي....مالك يابدري....
مالك يا واد عمي وكن هم الدنيا فوق راسك....
البدري....
واكتر.......واكتر يا حسني....
حسني....
لاه عاد انت تقعد اهنه وخود كوباية الشاي دى واحكيلي....
فضفص.....فضفض يا بدرى.....
البدرى....
احكيلك ايه ولا ايه يا حسني....
الحكاوى كترت قوى قوى....
ومعرفشي اسوي ايه ولا ايه.....
حسني....
تعرف يابدرى...
اني خابر ان نزولك هواره مكنشي بالساهل واصل....
وكوت حاسس انها مش هترسي علي خير....
البدري يبدا يحكي لحسني علي نزوله خ
هواره واللي حصل معاه هناك ورد فعل العربي وعلوان.....
......................................
......................................
مشهد 7......هوراه....نقطة الشرطه...
الضابط عصام بيتكلم مع نفادى وبيساله عن دبور وعن مهجه وهل ممكن يكون دبور هو السبب في اختفاء مهجه....
نفادي....
يابيه دبور ده هواره كلاتها واعيه علي عشقه لمهجه....
ومهما حوصل لا يمكن يتعرضلها او يأذيها.....
ومن يوم ما البنيه اختفت وهو يا ولداه شارد وحزين وعيدور عليها تحت طوب الارض....
عصام...
انا شاكك بنسبه كبيره ان القتيله دي هي مهجه....
طالما ورده طلعت عايشه تبقي هي مهجه وخصوصا اختفت ولا حس ولا خبر....
بس السؤال هنا....
مين اللي ورا الجريمه دي...
مين....
نفادي....
العلم علم الله يابيه....
عصام....
ومفيش اخبار عن المطاريد دول...
مفيش اي معلومه عنهم.....
نفادي....
مفيش يابيه....
بس انا سمعت انهم هجمو علي عربيه تبع المركز كان فيه التعيين والوكل بتاع الافراد ونهبو كل اللي فيها....
عصام...
ازاي يا جدع انت يبقي عندك معلومه زى دى ومتقوليش...
نفادي....
يابيه ده خبر انا سمعته والله اعلم ده حقيقه ولا لاه....
عصام...
انا هتصل بالمركز واشوف الحكايه دى ايه....
ويمسك الضابط عصام التليفون ويتصل علي المركز....
................................
................................
مشهد 8....دبور...
في البنك الذراعي زى ما مكتوب علي اليافطه....
دبور قاعد مع مسئول البنك الذراعي بياخد حصته من الكيماوي والحبوب اللي هيتم ذرعها في الارض.....
مسئول البنك قاعد علي كرسي وتربيزه صغيره قدام البنك ووراه شكاير واشوله خاصه بالحبوب والكيماوي....
دبور قاعد علي الكرسي...
ويقوم....
طيب يا افندي....
انا هنزل اقعد علي القهوة شويه علي بال ما تخلص صرف وتشيعلي علي القهوة اجي استلم.....
دبور يروح ويقعد علي القهوة....
ييجي معلم القهوة ويقعد مع دبور ويسلم عليه....
المعلم...
اهلا اهلا دبور....
كيفك يا واد العم....
دبور.....
الحمد لله....الله يسلمك....
متأخذنيش انت تعرفني.....
المعلم...
وكيف معرفكش....
مش انت دبور....من هواره....
دبور....
ايوه صوح...
بس انت مقولتليش تعرفني كيف....
المعلم....
انت الظاهر نسيت....
انت من فتره طويله كوت جاي مع علوان ابو البكري....
كان له حدانا قرشينات وجاي ياخدهم وابوي الله يرحمه ضافكم عندينا....
دبور...
ايوة ايوة....ايوة افتكرت....
انت ولد الشيخ عمران....
المعلم....
الله ينور علييييك
هو الشيخ عمران....
دبور....
كيفك.....كيفك يا واد العم.....
المعلم....
الحمد لله..... انت كيفك....
وكيفه علوان....انا سمعت انه بقي كبير هواره....صوح الحديت ده...
دبور....
صوح...صوح يا واد عمي....
المعلم....
يااااااااه...يامين يصدق...
اهو علوان ده كان نزل حدانا من خمس سنين.....وقصد ابوي في شوقه في بيتنا القديم عشان يتجوز فيها.....
دبور....
عتقول ايه.....
شوقه....ويتجوز فيها....
المعلم....
ايوة هو اخد الشوقه وبعدها بيومين رجع ومعاه حورمه وطلع بيها الشوقه وكان عيتلفت يمين وشمال كأنه هربان من الحكومه....
دبور..... في استعجال...
انت عتقول ايه....
كان امعاه حورمه....انطق قول مين
الحورمه دى.....
وشكلها ايه قوووول....
..................
وتنتهي الحلقه....وفي انتظار الحلقه العاشره....ومفاجئات واحداث خطيره.......
لو انت لسه جديد ومقرتش الحلقات اللي فاتت ادخل صفحة المسلسل من اللينك ده
https://www.facebook.com/Rwayate.egyptian/
ياريت بقي متنسوش شير للحلقه....
اعمل مشاركه....سيب تعليق.....
هو انا لازم اطلب يعني 😊😊
تعليقات
إرسال تعليق