حورية فرغلي تكشف تفاصيل أول تجربة مسرحية لها بعد عيد الفطر

حلت الفنانة حورية فرغلي ضيفة علي البرنامج الإذاعي "أسرار النجوم" تقديم الإعلامية إنجي علي ويذاع عبر إذاعة "نجوم إف إم".

وتحدثت "حورية" عن غيابها من الساحة الفنية خلال الفترة الماضية بسبب عمليتها الجراحية، وعلاقتها بنجوم ونجمات الوسط الفني، كما تطرقت عن عدم زواجها حتى الآن، وحلم الأمومة ومشاريعها خلال الفترة المقبلة.

وعن تقديمها مشروع مسرحي خلال الفترة المقبلة، قالت: "أول حاجة وحشتوني جدًا وأنا مش عايزة أرجع لكم بأي حاجة وعاوزة أرجع لكم بحاجة قوية، وبيتعرض عليا حاجات بس مش نفس اللي انتوا متعودين عليا فيها الأدوار والقصص الصعبة".

وتابعت: "وأنا بصراحة عشان ربنا حرمني من الأطفال فأنا بعشق الأطفال ولقيت أن مفيش شغل ومفيش حاجة حلوة اتعرضت عليا عشان أقدمها فقررت أني أعمل مسرحية للأطفال ودي أول مرة في حياتي أقف على خشبة مسرح".

وأضافت: "هقدم شخصية ريبونزل وكنت محتارة بينها وبين شخصية ماليفيسنت والعرض بعد العيد الصغير إن شاء الله".