نسيت الباسورد 😱 في مشكلة من امبارح بتواجه أغلب طلاب أولى وثانيه ثانوي عند تسجيل الاستمارة الإلكترونية وهي أن أغلبهم ناسي الباسورد !!

 ا نقوله الحل 👇👇

ادخل على رابط تسجيل الايميل الموحد بدلا من رابط تسجيل الاستماره 

https://office365.emis.gov.eg/

واكتب كود الطالب والرقم القومي وبعدها  اضغط على نسيت الباسورد هيوصلك على الايميل البديل الباسورد 

تاخده وتدخل به هو و الايميل الموحد موقع تسجيل الاستماره

https://moe-register.emis.gov.eg/

تراجع و تأكد بياناتك الشخصية و ( الشعبة واللغة الثانيه ) بدون رفع صورة واضغط ارسال وإتأكد أن تم الحفظ مع العلم الوزارة لغت الطباعة ولغت رفع الصورة من الموقع 

📌بيكون الرد معرفش الايميل البديل اللي هيوصلني عليه الباسورد لأني مسجل في سايبر أو حد سجل لي وبالتالي صعب أوصل للإيميل البديل ..

📌أو يكون الرد دخلت الايميل البديل بالفعل ومافيش رسائل وصلتني ..

📌 أو انا عارف ادخل الموقع فعلا ومعايا الايميل والباسورد وبعد ما خلص تسجيل البيانات في الموقع واعمل ارسال مش بيعمل حفظ ..

📢عايزه اقولكم أن لغاية أول امبارح كنت تقدر تعمل كل الخطوات اللي فوق دي  بالفعل وتسترد الباسورد يعني هو ده الحل في الحالات الطبيعيه والمشاكل الفردية ..

  لكن من امبارح محدش عارف يعمل حاجة  ..

أحب افاجئكم بأن المشكله في الموقع مش من عندكم خالص ☺️☺️

بالفعل الموقع هو اللي فيه مشكله يعني مش من عند حضرتك لأن بالرغم من معرفة الطلاب للباسورد بيكتب لهم أنها غير صحيحه

ولما يضغطوا على نسيت الباسورد لم يتم إرسالها للإيميل البديل ولما يضغطوا على تغيير الباسورد بيكتب لهم أن الباسورد القديم غلط ... ولما يروحوا المدرسه تعمل الايميل او السايبر يقول لهم اضربوا دماغكم في الحيط معندناش حل .. اتصلوا بالشكاوى

متقلقوش ومتضغطوش على أعصابكم ولا توتروا نفسكم ايام الامتحانات لأن بالفعل المشكله مش من عندك 

📢📢أنا تواصلت مع الوزاره لحل المشكلة ولغاية لما الوزاره تشوف حل للموقع لازم المدارس تراجع بيانات الطلاب بنفسها لأنها من البداية هي اللي رفعاها وهي المسؤوله عن صحتها . 

🚫🚫ولو الوزارة مشافتش حل من هنا لأخر اليوم أو لقبل غلق الموقع ٤ يناير أحب أقولكم أن الاستماره دي ملهاش أي ستين لازمه والموقع زفت وهيفضل زفت من ساعه ما عملوا الموقع ده وهو كله مشاكل ومبيستحملش وجود ضغط عليه ومحدش بيحاول يطوره أو يحسنه أو يشوف طريقة تسهل على الناس التسجيل 

من الاخر بردوا سيبكم من الموقع لغاية لما الوزارة تظبطه ،

و دقة البيانات ومراجعتها مع الطالب مسؤوليه المدرسه

يعني الحل في المدرسة ✅

 لازم تراجع معاك البيانات بشكل يدوي وتتأكد من اللغة الثانيه والشعبة لأن مسؤول التطوير بالمدرسة هو اللي بيدخل البيانات وبيرفعها على الموقع واي خطأ في البيانات بيكون تحت مسؤوليته 

وعلشان كده في مدارس مشكورة قامت بتدقيق البيانات بشكل يدوي في أول أيام امتحانات المواد الغير مضافة من خلال استماره مطبوعه و مضى عليها الطالب بصحه البيانات والشعبة واللغة التانيه ..

وعلى المدارس استغلال وجود الطلاب في امتحانات المواد الغير مضافة الفترة دي ومراجعه بياناتهم بشكل صحيح زي ما كانوا بيعملوا قبل الاستمارات الالكترونيه والتطور الالكتروني المزعوم