ليه فراخ التسمين أغلى وأفضل من الفراخ الأمهات ( العتاقي) 🤔

الفراخ البيضاء الأمهات (فراخ إنتاج البيض) بنشوفها كتير في محلات الفراخ وسعرها بيكون أرخص من فراخ التسمين المخصصة للأكل الآدمي .

وفي الأسواق المصرية بيتم عرض الفراخ الأمهات للمستهلك برغم إن ده ممنوع في الدول الأوربية

طيب ليه.... هقولك

الفراخ الأمهات تبدأ في إنتاج البيض عند عمر 18 إلى 20 أسبوع علشان تنتج بيض كبير الحجم بحيث تنتج الفرخة الواحدة من 160 إلى 200 بيضة سنوياً تحت الرعاية والتغذية الجيدة والتي تنشط إنتاج البيض وليس إنتاج اللحم. 

وبعد سنة وشهرين يتوقف المبيض عن العمل وبيتم إعدام الفراخ دي في كل دول العالم إلا مصر لأن بيتم إعادة تنشيط المبيض (عملية القلش) بحيث يعمل 6 شهور أخرى وبكده يصل عمر الفرخة لسنتين تقريباً. 

وطبعاً خلال الفترة الطويلة أكيد نسبة التعرض للأمراض بتزيد  ، ده غير إنه مع تقدم السن بيزيد محتوى الدهون على حساب المحتوى البروتيني والأنسجة بتبقى خشنة وبتاخد فترة أطول في التسوية وطبعاً القيمة الغذائية أقل بكتير من فراخ التسمين اللي عمرها مش بيتجاوز  40 يوم. 

ملحوظة : الامهات (العتاقي)  البلدي المتربية في المنزل  أفضل  بكتير من المزارع  ✋

الخلاصة :

فكر... واعرف الفرق قبل ما تشتري الفراخ العتاقي البيضاء علشان كمية الدهون اللي فيها كتيرة وقيمتها الغذائية أقل بكثير من فراخ التسمين ،ده غير انسجتها الخشنة ومدة التسوية الطويلة،

وده ما يمنعش إن فيه ناس بتحب تشتريها لأنها مسألة أذواق في الٱخر🙂

وفي النهاية ولو استفدت معلومة النهاردة يبقى ماتنساش دعوة يوم الجمعة المبارك ولك بالمثل إن شاء الله 🤲🌹