نعت الفنانة ريهام حجاج رحيل الفنان مصطفى درويش، التي وافته المنية صباح اليوم إثر أزمة قلبية مفاجئة، وكتبت على حسابها الخاص على موقع التواصل الاجتماعي فيسبوك: «مصطفي درويش من أكتر الناس إللي إتحاربت وياما إتكتب عليه وإتقال كلام كتير يهدم أي حد، مصطفي درويش كتير استكتروا عليه رزقه إللي ربنا كان باعتهوله وكعادة بعض الناس إللي شايفين إنهم لازم يقرروا مين يستحق الرزق ومين لاء شايلين من دماغهم إن ربنا بس اللي بيرزق».
ريهام حجاج: مصطفى درويش كان متضايق من الناس اللي استكترت عليه الرزق
وأضافت ريهام حجاج في رثاء مصطفى درويش: «مصطفي إتكلم معايا في الموضوع دا لما قابلته مرة بعد دوره في بميت وش وكان حقيقي متأثر، يا ريت تفهموا إن ربنا دايما ليه حكمة في كل حاجة وآهو مصطفي ربنا أفتكره وهو لسه صغير، يا ريت تبطلوا تجرحوا في الناس وهما وأنتم لسه عايشين، عشان مش حاتقدر تتحمل وقفتك أدام إللي حرجته وهو مختصمك أدام ربنا، مافيش حاجة في الدنيا مستاهلة».
حجاج: ربنا له حكمه في وفاة مصطفى في سن سغير
وكان الفنان أشرف زكي، نقيب المهن التمثيلية، أعلن نبأ وفاة مصطفى درويش، وكذلك شقيق الراحل والذي أكد تشييع جثمانه بعد صلاة العصر من مسجد الشرطة في الشيخ زايد.
من المقرر إقامة عزاء مصطفى درويش بمسجد الشرطة بالشيخ زايد، بعد صلاة المغرب غدًا الثلاثاء، حسبما أعلن شقيقه هاني درويش.
تعليقات
إرسال تعليق