علمت زوجة المتهم سيد محمد أن جارهم كريم سوف يقوم بنقل عزاله تاركا العقار والمنطقة، وعندما بدأ جارهم كريم وزوج شقيقته الذى يدعى أحمد محمد والشهير بحمادة بنقل العزال، ظلت تزغرد حتى انهالوا عليها بالشتائم فتوقف الزغاريد ليتطور الأمر إلى مشاجرة على إثرها أصطحب المتهم مجموعة من أصدقائه وانهالوا على المجني عليه بعدة طعنات ثم انهال عليه صديق المتهم بقطعة خشبية وسقط على سلم العقار وسط بركة من الدما، وفور وصوله إلى المستشفى تم عمل إنعاش لمدة 45 دقيقة، ولكنه لم يستجب وتوفى متأثرا بجروحه وإصابته.
القاهره 24 يواصل نشر التحقيقات في القضية التي حملت رقم 4540 لسنة 2023 جنح الوراق.
جريمة كورنيش النيل
وأمام جهات التحقيق وقف مروة محمد تروي ما حدث قائلة: اللي حصل أنا ساكنة في العمارة محل الواقعة من حوالي 5 سنوات في الدور الخامس والمدعو كريم حمدي جاري في الدور الثالث، ومن حوالي سنة جالنا المتهم سيد محمد جارنا في الدور الثاني، ومن حوالي شهرين بدأت خلافات على الجبرة بين كريم وسيد بسبب لعب الأطفال ونشر الغسيل.
وأضافت مروة أمام جهات التحقيق: كانوا يقعدوا مع بعض ويتصالحوا لحد ما حصلت بينهم مشكلة من أسبوعين بسبب لعب الأطفال وبعد ما قعدوا مع بعض، كريم قال إنه هيعزل من العمارة بسبب المشاكل الكثيرة دي، ويوم الخميس اللي فات 2023/3/30 بعد المغرب سمعت صوت زغروطة في العمارة فطلعت أشوف في إيه لقيت مرات المتهم سيد بتزغرط عشان كريم كان بيشل العفش بتاعه عشان هيعزل وكان معاه أحمد محمد شعبان ساعتها، ولما سمعوها وهي بتزغرط زعقوا فيها وشتموها وهي ردت عليهم وشتمتهم لحد ما سكتوا.
وأكملت السيدة أمام جهات التحقيق: كريم نزل العفش وراح عشان ينقله وبعد ما كريم مشي شفت سيد جاي في توكتوك ومعاه خمسة أصحابه وطلعوا البيت عند سيد، وبعدها بشوية كريم رجع هو وحمادة عشان يكملوا نقل في العفش وأول ما وصلوا وكريم سمعت صوت زعيق جامد فأنا نزلت وحاولت أحجز بينهم وأقولهم دي ساعة شيطان، وهما فعلا سكتوا وكل واحد دخل شقته وأنا طلعت شقتي تاني.
وتابعت: وبعدها بشوية صغيرين سمعت صوت خناق ثاني جامد وسمعت صوت تكسير، فنزلت أشوف في إيه لقيت كريم كان واقف على السلم ما بين الدور الثاني والثالث وحدف كرسي خشب على سيد وأصحابه اللي معاه وسيد وأصحابه كانوا بيحاولوا يطلعوا لكريم وحمادة، وحد في أصحاب سيد كان معاه سكينه في إيده وأنا خوفت لما شفت الخناقة كده وطلعت الشقة عندي.
وواصلت مروة أمام جهات التحقيق في جريمة كورنيش النيل: وبعدها شميت ريحة غاز وسمعت صوت كريم وهو بينادي على حمادة جامد وصوت الخناق هدي فنزلت تاني لقيت حمادة نايم على السلم بين الدور الأول والثاني، وكان بينزف جامد على السلم، وكريم كان ماسكه وبيقوله فوق يا حمادة بس هو مكنش بيرد عليه ولا حاطط منطق خالص، وحاول يجره لمدخل البيت ووقف توكتوك حطه فيه ومشيوا وهو ده كل اللي حصل طلع شقته.
تعليقات
إرسال تعليق