الشاب محمود محليس.. اشتغل كل حاجة، يعني كهرباء شغال جبس امبورد شغال ومحارة ماشي، وبعد سنين الكفاح خلص شقته واستنى "ليلة العمر" يوم السبت اللي فات، وانتهى اليوم بخير لكن في اليوم التالي كانت المفاجأة...
أسرة العربس وأهل العروسة بيتصلوا يتطمنوا عليهم لكن مفيش رد.. قالوا فالأول يمكن نايمين ولسه عرسان جداد.. وبعدين الوقت ويتصلوا وبردو مفيش رد..
أسرة الشاب قلقت لأن كل ما يندهوا مفيش بردو رد.. "محمود" مش بيرد والموضوع كدا فيه حاجة غلط.. اضطروا يقتحمون الشقة وللأسف لقوا العرسان لا حراك لهم.. جثث ومفيش نفس!
- الرواية ما بين تسريب غاز استنشقه العرسان وماتوا.. وبين سخان كهرباء وللأسف اتكهربوا.. والتحقيقات شغالة تحدد سبب الوفاة..
لكن أيًا كانت الرواية ف قرية سبك الأحد فقدت عروسين شباب في صدمة يمكن البلد مشافتهاش قبل كدا.. وخرجوا جميعًا في ساعة متأخرة أمس لتشييع جثمان "محمود، وخلود". 
تعليقات
إرسال تعليق