بسنت ضحية الابتزاز بالصور المفبركة علي الفيسبوك

وبالفعل خلال ساعات اتنشر لها فيديوهات وصور مفبكرة ومخلة.. وانتشرت زي النار بالهشيم في مجتمع صغير زي القرى ذي ما بيحصل عندنا بالظبط

.. البنت جالها صدمة وجريت على باباها وحكت له اللي حصل وقالت له ان الصور مفبركة.. وفعلا باباها صدقها وطمنها إنه مصدقها ونزل يصلي الجمعة..

بس واضح ان الفضيحة كانت أكبر من عمرها بكتييير.. لأن الأب رجع مفجوع من الصلاة علي صويت وصريخ طالع من بيته.. لما مامتها دخلت عليها وهي بتصلي لاقتها واقعة علي المصلية وفاقدة الوعي وبتموت.

البنت انتـ ـحرت للأسف.. وعلى بال ما وصلت المستشفى كانت توفت.. وسابت لأمها الرسالة اللي في الصورة

.. طبعا الانتحار جريمة ومعصية كبيرة لكن لا نملك الا ان نقول حسبنا الله ونعم الوكيل والله يرحمها ويربط على قلوب اهلها

#ناس كتير جدًا بتنشر صور وفيديوهات عارفة ومتأكدة انها مشكوك في صحتها لمجرد ركوب ترند أو مزايدة أو تنظير يخدم أفكارهم..

فأرجوكم لما توصل لكم حاجة من النوعية دي خليها تقف عندكم وتجاهلوها تمامًا..

لأن كل واحد ساهم في نشر صورهاالمفبركه كان مشارك في قتـ ـلها..

ودمها متوزع عليهم مع المجرم اللي كان السبب.. وبلاش استسهال في الأعراض بالله عليكم.. قذف المحصنات كبيرة عظيمة عند الله.

{إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ}