———————ونصب شباكه وجرِّ رجل شباب كتير
.
وبنات خساره في الهلاك جرجرها ليه
——————-وحريم أصيله وأمهات غرقت في بير
.
الشيطان مالي الإيدين ومهوش بعيد
—————-تقدر تشيل مقطف ذنوب وتنول سعير
.
وانت ف مكانك راح تجيك كل الفتن
————————وتدير معارك وانت نايم ع السرير
.
بالشيطان يوصل لأهلك واد خسيس
——————-يملا الودان يخدع قلوب بكلام حقير
.
زي الأفاعي السم جواه بالكاسات
——————-والجسم لمسه زي توب مغزول حرير
.
جايز يكون بينك وبين أهلك خصام
——————يلقى الطريق مفروش ورود يقدر يسير
.
عارفك شريف والأهل أشرف م الشرف
——————-بس الشريف لازم يكون برضك بصير
.
تقدر تنول كل الوداد بعسل لسان
———————والقلب طوع يدَّك يكون دايماً أسير
.
ولا يوم يميل غير للجمال وانت الجميل
——————والقدوه قبلك كان رسول وسراج منير
.
كان الحبيب في الأهل نبع من الحنان
———————كان اللسان يقطر عسل ويفيح عبير
.
كـان فـي الـمحبه هـو سـيد مـن نـتبع
——————-وإسـأل عـليه عائش تقول نعم الأمير
.
دخـل الـسباق سـيدي ويـسبق جريها
——————ويـعيد سـباقها بـعد حـين حد المسير
.
يشرب مكانها ف كاسها وينول ودها
——————-ويـحبــها ويـحـمل غـيـرتها لــو تـغير
.
ويــقـول حُـمـيـرا ودوم بـيـطلب ودَّها
——————ولا عـمره يـوم بـيجور عـليها ولو نقير
.
يـاللي امـتنعت عـن الوداد قوم امتثل
—————بـسلوك رسـولك فـرح قـلبك بـيك يطير
.
وتـنـول عــلاك بـالإمتثال راح يـتشرح
——————قـلـبك ويـسهل كـل أمـر عـليك عـسير
.
وتـكـيد شـيطانك لـوعرفت ازاي تـزيح
—————-عـنـك غــواه وتــرد قـلبه عـليك حـسير
.
لا تقول زمان غــيـر الــزمـان لازم نــفـوق
———————قـبل الـعناد ما يغصّ أهلك أو يضير
.
يـا رب صل على الحبيب سيد الورى
——————واجـعـل قـلـوبنا مــن ضـيائه تـستنير
.
واعـمر بـيوت الـطيبين واخـزي الـردي
——————واجـعـل غـشـاوته عـن عـيونا تـستدير
.
يا رب ما تخلي الشيطان يأسر قُليب
——————واجـعـلنا مــن تـقوى حـبيبك نـستعير
.
تعليقات
إرسال تعليق