القائمة الرئيسية

الصفحات

تعديل المشاركة

"آلام الثدي"أنواع آلام الثدي اللي ممكن تحسوا بيها وهل هى سرطان ثدى ام لا

اليوم الاخير للاخبار
(0)

كتب:د/ أحمد عبدالناصر عباس

شهر المرأة مينفعش يعدى من غير ما نتكلم عن أكتر حاجة بتتعرض ليها كل ست وبنت شهرياً وهي "آلام الثدي".
ولأن كتير منكم يبدأ يشك ويقلق وتفكيره يروح إلى إنه ممكن يكون "سرطان ثدي" لاقدر الله، حبينا النهاردة نتكلم معاكم ونعرفكم إيه الاعراض اللي ممكن تخليكم تنتبهوا إن فيه مشكلة، وكمان إزاي تعرفوا تفرقوا بين أنواع آلام الثدي اللي ممكن تحسوا بيها.

- أول نوع وأشهرهم هو آلام الثديين اللي بتكون مرتبطة بالدورة:

دي بتكون في الثديين، وعلى فكرة ممكن تحسي الألم في واحد أكتر من التاني، بيكون الالم خفيف و تلاحظي معه زيادة فى حجم الثدى، بيزيد في الفترة اللي ما بين 3 – 7 أيام قبل الدورة، وغالباً بيبدأ يروح مع بداية نزول دم الدورة.

- تاني نوع وهو آلام الثديين غير المرتبطة بالدورة:

ودي غالباً بتكون نتيجة التهاب في عضلات القفص الصدري تحت الثدي، والألم فيها بيكون جامد جداً ومعاه هتحسي إحساس بنغز أو حرقان في أوقات متقطعة وأوقات متواصلة ولكن ملهوش علاقة بوقت الدورة، وكمان بيكون سهل إنك تقدري تحددي مكانه فين بالظبط.
- تالت نوع وهو اللي بيحصل بسبب الحمل والرضاعة وده بيكون بسبب تأثير هرمونات الحمل وزيادة حجم الغدة اللبنية.

- رابع نوع في كلامنا النهاردة هو آلام مرتبطة بالأورام زي "سرطان الثدي"


الألم ده تبدأي تحسي بيه لما يكون المرض في مراحل متأخرة، ونادراً ما يكون الألم هو أول عرض لسرطان الثدى لازم ده يكون غير مرتبط بوقت الدورة، تلاحظي إنه في ناحية واحدة ومكان واحد فيه كتلة محسوسة سواء فيها تغير في الجلد اللي فوقيها أو لاء.

- وأخر نوع هتكلم عنه النهاردة وهو مشهور جداً، هو ”ألم الثدي نتيجة التهاب في الثدي“


 وده غير مربوط بالأورام السرطانية، وده بيكون منتشر أكتر من الأورام السرطانية، بمعنى إنه ممكن يحصل نتيجة التهاب في الغدد أو في القنوات اللبنية، وفي حالات قليلة بيحصل نتيجة خراج في الثدي، وده طبعاً بيكون له علاج بطريقة مختلفة بيتحدد على أساس التحاليل والأشعة.

دي كانت أشهر أنواع لآلام الثدي حبيت اتكلم عنها معاكم النهاردة.

أخر المواضيع من قسم : محافظات

تعليقات

إرسال تعليق

التنقل السريع