وصلنا في الحلقه اللي فاتت ل
علوان بوشه الشاحب والرعب باين عليه وحاطط ايده علي رقبته وعنيه زى عيون الديابه بيفكر يعمل ايه مع دبور وازاي يطلع من المصيبه اللي وقع فيها
...ااااااه يادبور....ااااااااه
اهو انت اللي مكوتش عالبال واصل يا واد عمي....
ومكتش عامل حساب اليوم دويتي
انت اللي جبتو لروحك يادبور...
انت اللي جبتو لروحك...
☆☆☆☆☆☆☆☆
المشهد 1 اسكندريه...منزل حاتم...
ورده وحاتم لسه راجعين من عند صلاح ورده دخلت وقعدة علي الكنبه وحاتم وراها وماسك البدري الصغير في ايده....
ورده قاعدة علي الكنبه وماسكه راسها وبتفكررر...
حاتم ياخد باله ويقولها وهو بيقعد جمبها....
مالك ياورده.
انتي مش طبيعيه خالص من ساعة ما رجعنا من قنا...
ورده تبص لحاتم وتتنهد وتقول...
والله ماني عارفه يا حاتم اقولك ايه...
جايز اللي في مخي ده يكون تهيؤات...
بس كيف وكل اللي بيوحصل ده وبيقول انه هو....
حاتم يرد....
تهيؤات و هو؟؟؟
انتي بتتكلمي عن ايه يا ورده....
ورده تمسك البدري الصغير وتبوسه وتقوله خش العب في اوضتك يا حبيبي.....
وتبص لحاتم...
بصراحه يا حاتم في حكايه كده عاوز اقولك عليها علشان انا تعبت من التفكير مش عارفه افكر لوحدى.....
حاتم...
قولي يا ورده انا سامعك....
ورده..
علوان ياحاتم اللي كنت كلمتك عنه قبل اكده وقولتلك انه بينافس ابوي والبدري....
حاتم....
ايوة ايوة فاكر ماله...
وردة..
في حاجات غريبه حصلت في هواره وجرايم قتل واني حاسه ان علوان هو ورا اللي بيوحصل ده...
حاتم...
ازاي يعني يا ورده انتي متاكده من الكلام ده....
وردة...
اني جيالك في الكلام اهو يا حاتم...
واني في بيت ابوى الشيخ بدار كان فيه بت غلبانه اسمها مهجه
البت دى كانت دايما تاجي عندينا وكانت تحب تقعد امعاي وتفضفض وتحكي....
وفي يوم من الايام جاتلي وكانها كانت بتودعني وسألتني عن العشق والحب وانها خايفه واني اسامحها لو حوصل حاجه وكأنها بتقولي انها هتطفش بس انا مفهمتش....
في الاول ظنيت انها بتحب دبور واد عمها ولما جبتلها سيرتوة اتعصبت وقالت انها معتحبوش....
ولما سألتها مين كانت خايفه تقول...
حاتم....
طيب وعلوان ماله ومال الموضوع ده....
ورده...
مهو مهجه دى يا حاتم كانت قاعده في بيت علوان...نعمة مراة علوان هي اللي مربيه مهجه دى وكانت بتخدمهم....
المهم بعد ما مهجه دى اختفت واحنا جايين علي اسكندريه اني وابوى وياسين الله يرحمهم....
لمحنا حد كان ماشي عالطريق...
بس ياسين قال انه لمح علوان وان عينه جت في عينه وكان معاه واحده وقال انها مهجه...
وابوي الله يرحمه وانا قولنا بيتهيألو ومصدقناش....
بعد ما اتجوزنا بقي وسافرنا وبعدها بفتره بسيطه وصلنا خبر موت ياسين الله يرحمه وانه انقتل واستغربت لانه ملوش اعداء
وكان زى النسمه وهواره كلاتها كانت تحبه....
حاتم.....
عاوزة تقولي يعني ان علوان هو اللي قتل ياسين بعد ما شافو وخاف منه احسن يفضحو؟؟؟
ورده...
بالظبط كده يا حاتم بس مش متوكده ومش عارف اثبت دة كيف.....
بس كل الاحداث دى وكلام مهجه الاخير ليا كان بيقول انها هتطفش..
وكمان كلامها عن الحب والعشق وانها عشقت واحد وخايفه تقول غالبا كانت تقصد علوان...
وخصوصا هي متعرفش حد غير علوان ودبور لانها لا كانت بتروح ولا بتاجي....
حاتم...
طيب يا ورده ما تقولي الكلام ده للبدري اخوكي وهو يتصرف..
يمكن يعرف يوصل لحاجه...
ورده...
تفتكر كده يا حاتم....
حاتم...
طبعا ياوردة انتي مش هتعرفى تعملي حاجه...
الصح انك تقولي للبدرى علي كل حاجه....
☆☆☆☆☆☆☆☆☆☆☆☆☆☆مشهد 2 هواره.....علوان...
علوان قاعد في البيت وبيفكر...
وبعدهالك يا علوان عاااد....
مكتوب عليك البلا
اتقوم وتتكفى كيف الدبيحه المدبوحه بسكينه تلمه....
ودبوووور...
ده اللي مكتش عامل حسابه...
عتعمل ايه ياعلوان...
عتعمل اييييه...
مبدهاشي عااااد...
ويقوم علوان ويروح ناحية الباب وتشوفه نعمه وهي نازله من عالسلم وتنده عليه...
علوان...ياعلوان....
ويطلع علوان من الباب ويقفل وراه.....
نعمه...
واااه ماله ده...
هو لحق ياجي عشان يمشي....
☆☆☆☆☆☆☆☆☆☆☆☆☆
مشهد 3..دبور.....
قاعد في داره وبيفكر في مهجه وانه اخيرا هيشوفها بعد غيااااب....
وبيفكر....
ااااااه يامهجه اكمنك عتجيني في المنام وتقوليلي دور علي....
وانا معرفشي انك عتستنجدي بيا....
ياتري انتي فيييين يامهجه...
واللي اسمه علوان ده...
عمل فيكي اييييه...
وكيييف قدر يضحك عليكي....
مييييته ييجي بكره....
عيني مش عيجيلها نوووم...
طووول ما عفكر فيكي يامهجه....
اااااااااه يا مهجه اااااااااااه.
☆☆☆☆☆☆☆☆☆☆☆☆☆☆مشهد4.....علوان.....
علوان بيخبط علي دار وسط الذراعه في حته مقطوعه وبيبص حواليه....
جوه الدار فيه واحد ماسك بندقيه ونايم بيها وقام علي الخبط...
ومغطي بوقه بتلفيحه وقام وراح ناحية الباب وهو خايف...
حط ودنه علي الباب وسمع صوت حد بيناديه باسمه....
علوان من بره....
يا لملوم....افتح يا لموم انا علوان....
ويخبط....
لملوم بعد ما يتأكد ان ده صوت علوان.....
يفتح الباب بحذر....
وعلوان يدخل بسرعه
ولملوم يقفل الباب...
ويبص ناحية علوان....
خبريه يا علوان....فيه ايه...
مش عوايدك تجيني اهنه.....
وعرفت كيف اني اهنه....
علوان....
موش وقتو يا لملوم مش وقتو....
انا جايلك في موضوع امهم قوي...
لملوم....
خير ياعلوان....
ولو ان اللي عيقصدني...
معيقصدنيش في خير واصل...
علوان...
بوق ميه...بوق ميه الله يخليك...
لملوم...
يروح يجيب الميه في القله ويديها لعلوان وعلوان بيشرب والميه بتسيل من بوقه....
لملوم...
ها يا علوان عاوز لملوم في ايه...
علوان....
شوف يا لملوم...
انا قاصدك في حكاية اكده...
ولو خلصتني منيها...
اللي عتطلبه عتاخدو....
لملوم....
واه ياعلوان...
كن الحكايه واعره قوي....
قووول....قول يا علوان....
☆☆☆☆☆☆☆☆☆☆☆☆☆☆
مشهد 5 اسكندريه...الصباح
البدري بيفطر مع نورا والحج المصري ومراته....
كلهم بيفطرو علي السفره...
والبدري يقوم ويقول الحمد لله...
نورا....
الله...انت مفطرتش كويس....
متقعد تكمل فطارك...
البدري...
الحمد لله يانورا....
ام نورا....
متكمل فطارك يابني انت مستعجل علي ايه....
البدري...
معلهش يا حجه...ورايا شغل كتير قوى ولازم اخلصو....
الحج المصري....
سيبوه علي راحتو يا جماعه....
طيب يا بدري يابني متنساش اللي قولتلك عليه وابقي طمني....
البدري...
طيب....طيب يا حج....
سلامو عليكو....
ويخرج البدري.....
تبص ام نورا لنورا....
هو ماله جوزك يا بنتي...
انتى مزعلاه ولا حاجه....
نورا...
لا ابدا يا ماما....
ده علشان اللي حصل معاه في البلد بس ومن يومها وهو مكشر كده....
ام نورا....
طيب يابنتي...
الحج المصري يقوم من علي الاكل ويقول....
الحمد لله...
ام نورا....
الله...انت كمان ياحج....
انا شايفاك قاعد ومأكلتس حاجه....
الحج....
معلش يا ام نورا...
معدتي تعباني بس شويه....
كملو انتو فطاركو ملكوش دعوة بيا......
ويقوم الحج حسين من علي السفرة....
☆☆☆☆☆☆☆☆☆☆☆☆☆☆مشهد 6........هواره...نقطة بهتون
الظابط عصام قاعد علي المكتب وبينده علي الغفير ويجيلو ويسألو عن الصول نفادي والغفير يقوله انه راح يجيبلو الجرايد.....
ولحظات ويدخل الصول نفادى ومعاه الجرايد....
الصول نفادي....
سلامو عليكم ياعصام بيه...
الجرايد اللي وصيتني عليها اهي يا عصام بيه....
وياخد الظابط عصام الجرايد ويقول لنفادي خلاص روح انت يا نفادى شوف وراك ايه....
ويمسك الظابط عصام الجرايد ويفتح ويقرا.....
شويه وهو بيقلب يمسك الجرنال ويقوم وهو بيبص في الجرنال ووشه مخضوض....
لا حول ولا قوة الا بالله
وينادى علي الصول نفادي
يا نفادى....يانفادي....
ويدخل الصول نفادى...
ايوة يا فندم يلزم حاجه....
تعاالي يا نفادى اقعد مكاني هنا...
انا نازل خارج حالا....
الصول نفادي...
ليه يا بيه خيييير...
الظابط عصام...
زوجة مدير الامن تعيش انت...
الصول نفادي...
لا حول ولاقوة الابالله العلي العظيم
انا لله وانا اليه راجعون....
النقطه في مسئوليتك لحد ما ارجع
فاهم يا نفادي....
نفادي....
ليه يابيه.....ناوي تغيب...
الظابط عصام...
هي ليله بس وهرجع الصبح
هوصل مشوار للمديريه كده بعد العزا وهرجع الصبح....
نفادي...
ترجع بالسلامة يابيه....
يمشي الظابط عصام ويقف عند الباب ويبص للصول نفادي ويقول..
مش عاوز حد يعرف اني هغيب
ماشي يا نفادي...
نفادي...
متقلقشي يابيه...
محدش عيعرف واصل...
الظابط عصام...
يلا سلامو عليكو ويخرج...
الصول نفادي...
وعليكم السلام ورحمة الله وبركاته.
☆☆☆☆☆☆☆☆☆☆☆☆☆☆مشهد...7.....اسكندريه...
مكتب المقاولات....
البدري قاعد علي المكتب ويدخل عليه حاتم....
السلام عليكم....
البدري يقف...
وعليكم السلام ورحمة الله وبركاته.
ويسلم علي حاتم...
اتفضل....اتفضل يا دكتور حاتم....
ويقعد الدكتور حاتم....
ويكمل البدري....
هااااا طمني يا دكتور....
الشغل ماشي كيف.....
حاتم....
اطمن يا بدرى بيه....
الشغل ماشي زى ما كنا متوقعين واحسن كمان.....
البدري....
ايوة بالله عليك يا دكتور حاتم...
دى الحكومه...
واحنا مناقصينشي مشاكل مع الحكومه....
حاتم...
اطمن يابدري بيه
الحكومه مبسوطه جدا من سير العمل.....
وانا بنفسي كنت بشرف علي العمال من الصبح ورجعت لما العمال خلصو شغلهم....يادوب....صليت العصر وجيت...
البدري...
وباش مهندس صلاح وينو
مش شايفو معاك...
حاتم...
صلاح استاذن النهارده بدري علشان بثينه مراته خلاص قربت تجبلو ولي العهد واحتمال الليله....
البدري...
صحيح....لاه الف سلامه عليها
موصيكشي يا دكتور حاتم
عاوزك توديها احسن مستشفي في اسكندريه والحساب كله عندي....
الباش مهندس صلاح ده مجتهد وابن حلال ويستاهل....
حاتم...
كلك شهامه يا بدري بيه ومن الناحيه دى اطمن خالص....
البدري...
هاااه...ورده عامله كيف...
راقت ولا لاه...
علشان انا شايفها واحنا معاودين وشكلها متغير واصل....
حاتم...
ورده تمام الحمد لله
بس هي صعبان عليها اللي حصل
وحتي هي كانت عاوزة تقعد معاك...
البدري...
خير... تقعد معايا ليه...
محتاجه حاجه....
حاتم....
هي متكلمتشي معاك....
البدري...
لاه...
من ساعة ما عاودنا من قنا ومكلمتنيش واصل...
حاتم...
غريبه دى لسه قايلالي امبارح انها هتكلمك النهارده...
البدري.
خير يا دكتور حاتم...
قلقتني....ورده مالها
حاتم...
متقلقش يا بدري بيه
هي والله تمام وبخير
بس كانت عاوزة تحكي معاك في موضوع كده....
البدري متعجب...
موضوع....موضوع ايه ده؟؟؟
حاتم...
لا بقي لازم انت بقي تعدى عليها بنفسك وهتعرف منها كل حاجه...
البدري...
باذن الله.....باذن الله يادكتور حاتم...
عندي مشوار صغير اكده...
وبعد المغربيه هطول عليها....
حاتم....
طيب استأذن انا يابدري بيه ويقوم ويقوم البدري معاه....
البدري...
اذنك معاك يا دكتور...
ويخرج حاتم من المكتب...
والبدري في سره...
ياتري عاوزاني في ايه يا ورده؟؟
☆☆☆☆☆☆☆☆☆☆☆☆☆☆
مشهد 8..هواره....الليل
دبور قاعد في داره وحاطط براد شاي علي الحطب وبيمسك البراد ويصب الشاي وبيمسك الكوبايه ومع اول شفطه الباب يخبط....
دبور يبص ناحبة الباب ويقوم ويقول...
ميييين...
صوت ييجي من بره...
افتح يا دبور...انا ود عمك علوان...
دبور...
ووووة علوان...ويفتح الباب....
يدخل علوان ويبص علي دار علوان البسيط وكانه متعجب ازاي دبور قاعد في الدار ده وفرشته كلها حصر وعلي الارض...
دبور...
اقعد...اقعد يا علوان...اشرب الشاي...
علوان....مش وقتو يا دبور...
يادوب كمان ساعه اكده والناس نايمه تطلع من دار وعالطريق القديمه عدل واوعي حد يوعالك...
دبور...
ووة الطريق القديمه....ليه عاد...
علوان...
اباي...انت مش عاوز تشوف مهجه ولا ايه عااااد...
دبور....
موهجه....وايه اللي عيجيبها الطريق القديمه....
علوان...
انت خابر زين انها طفشت وخايفه تعاود....
وانا فهمتها اني هرجع بيها هواره وهتبقي في حمايتي....
وشيعت العربيه تجيبها موطرح ما هي موجوده واتفقت مع السواق ينزلها عالطريق القديمه ويقولها علوان عيستناكي.
فهمت يا دبووور....
دبور...
يبص لعلوان وباين علي وشه القلق....
علوان...
واه...مالك با دبور....
عتخاف من الطريق القديمه ولا ايييه....
دبور...
مين ده اللي عيخاف يا علوان...
اني بعون الله اطلع الجبل والديابه تهابني....
تقولي اخاف من الطريق القديمه...
مش دبور اللي يخاف يا علوان...
مش دبووور...
علوان....
طيب عاد...عروح اني عالبيت قبل نعمه ما تستعوقني...
كنها قلبها حاسس بجوازتي دى بس معتنطقشي....
متتاخرش علي مهجه يادبور ياواد عمي...الدنيا ليل ليطلعلها ديب اكده ولا اكده وتروح البت بلاش....
دبور...
طيب يا علوان...طيب
علوان...
هاه...فوتك بالعافيه يا دبور...
ويمشي علوان....
☆☆☆☆☆☆☆☆☆☆☆☆☆☆مشهد 9......اسراحة الضابط عصام...
تظهر استراحة الضابط عصام وسط الزراعى بالليل ويظهر مطاريد الجبل متلثمين ويدخلو علي الاستراحه وقاعدين علي البوابه 2 من الغفر بيشربو شاي...
يدخل من وىتهم اتنين متلتمين ويضربوهم علي دماغهم ويغمي عليهم....
وييجي وراهم تالت ومعاه سلاح ويفتحو البوابه ويدخلو...
ويبصو حواليهم...
ويشاورلهم ريسهم انهم يقفو بره يراقبو الطريق وبدخل هو يعد ما يكسر قفل الباب...ويدخل الاستراحه وماسك السلاح قدامه ويفتح الغرف غرفه غرفه...
بيدور عالظابط عصام...
ويفتح اخر اوضه...اوضة النوم...
والسرير فاضي ومفيش حد...
ويشيل التلفيحه من علي بوقه...
ابن ابو دبيكي...ويقول...
بااااه...راح وين اللي واكل ناسه ده عااااااد....
☆☆☆☆☆☆☆☆☆☆☆☆☆☆مشهد 10.....دبور...
دبور ماسك العصا وداخل علي الطريق القديمه زى السبع ويقف في المكان اللي قاله عليه علوان...
شويه وتظهر عربيه جايه من بعيد..
ويقف دبور ورا شجره....
وتوصل العربيه...
وينزل حد من العربيه...
واحده لابسه لبس حورمه ومغطيه وشها وتمشي العربيه علطول...
ويطلع دبور من ورا الشجره من وراها ويقرب منها.....
دبور بنبرة حزن...
موهجه......
وتبص ناحيته واول ما تنزل الشال من علي وشها يفتح دبور عنيه من المفاجأه....
...............
تمت الحلقه
والي لقاء في الحلقه القادمه....
اعملو مشاركات كتير حياااااة ابوكم متكسلوش....
اعمل مشاركه للحلقه ولو المشاركات وصلت ل 100 مشاركه من 100 شخص هنزل الحلقه 12 بعد يومين يلا بقي وروني....
يارب تكون الحلقه عجبتكم....
تعليقات
إرسال تعليق